Sikad akon rapadapa,
Sa pagkab-ot san ungara,
Nga pamilya makakaon,
Aga,udto, panihapon.
Namarisbis adton balhas,
Bisan hangin nahaganas,
Labis na kon pasahero,
An traysikol daw kargado.
Mga kabudlay nasurapo,
Kon mga anak maduruto,
Adton hingyap makab-utan,
Edukasyon makaplagan,
Kay asay la mapamamat,
Manggad dire makakawat,
Rayandayan kami kabos,
Nairidar mga pag-antos.
